زقزقى يا عصافير زقزقى
طول الشتا باعدانا عنك
واهو جالك الدفا
مش حانقبل خلاص
اى عذر منك
مسير الحال ينعدل
ما هو ربك فوق العباد
احنا نفكر وهو
يدبر كل الحاجات
واللى خلى مصر ترتفع
فوق كل الآهات
مش حايسيبها النهارده
وتضيع بين الاموات
دى امة مؤمنة
موحدة
اول ناس عرفت ربنا
اول ناس يا عالم
بصت فوق للسما
يا رب اوعى تسيبنا لوحدنا
أو تملك أمورنا لناس
ما يعرفوش قدرنا
انت يا رب عارف
قد ايه الناس فى برنا
مظلومة ظلم بين
طول عمرنا
كل اللى عاوزينه
يوم مشرق مليان خير
يكون منتظرنا كلنا
عاوزين مستقبل افضل
لولادنا واحفادنا
من بعدنا
ليست هناك تعليقات:
إرسال تعليق