يا سعادة البيه يا وزير الاوقاف
ارحمنا من الناس اللى بيخطبوا فى الناس
منهم اخوان وسلفيين
منهم مجانين متطرفين
منهم اللى بيفتوا فتاوى مش عارفه ابدا
جايبنها منين
يا سعادةالبيه يا وزير الاوقاف
اتباشرنا خير لما هميت وقعدت تنضف
تقفل فى زوايا وتقنن وتمشى المهابيش
ليه الهمة فترت ؟
ليه شلت ايديك وكأنك يا بوزيد ماغزيت ؟
وزارتك كلها واغش خطير
بيبوظوا عقل الصغير والكبير
كل شوية امام مسجد يتعين
نبص نلاقى تاريخه اسود ومغبر بطين
ونلاقيه بيفتى فتاوى
وكأنه عمره ما درس دين
يا سعادة البيه يا وزير الاوقاف
رحنا فى داهية وانت ودن من طين
وودن من عجين

والله يا بيه رصيدنا صفر فى البنوك

والله يا بيه حسابنا صفر فى البنوك----وبنحاول يكون لينا رصيد عند ملك الملوك ----وربنا ساترنا وبيبان قدام الناس اننا اغنياء ---لان اللى ربنا بيستره--يمشى ملك حتى لو جيبه خاوى من النقود

أمانة ياللى رايحين واللى جايين --------اوعى تناموا قبل ما تمسوا على مصر بجنيه --------احنا فى زحمة الحياة ناسيين ---------نمسى ونصبح على حلوة الحلوين ----------اعتبر نفسك اتصدقت بيه ---------وافتكر ازاى بيتحول لمساكن وبساتين -------ويكون عندنا دايما رصيد نبنى بيه -----بكره اللى حاييجى حلو ------مدام بنقدم له القرابين///
سوسن

انا المسجون

انا المسجون
وانا السجان
انا اللى محبوس خلف جدران
ماحدش شايفها 
ولا حد شاعر بيها
ولا حاسس بالقضبان
انا اللى نفسى افرد جناحى
واطير وابدع واعيش
انا اللى مكسور جناحه
ومش عارف يداوى نفسه سنين 
وعجبى

March 6, 2016 at 5:46pm ·

الشهيد هشام بركات
والله والله بكيت/ كأنى اول مرة اسمع الخبر/ احزاننا عميقة عليك/ وقلبنا ده اللى انشطر/ رجالة مصر حالفين / ما يناموا ولا يهدوا لهم عمل/ الا ما يجيبوا قتلة كل شهيد /سالت دماه من اجل الوطن///سوسن

March 2, 2017 at 3:18am ·

اجمل وشوش ممكن تشوفها ---طيبة وشهامة وجدعنة ----------احلى قلوب ممكن تصادفها ---------------زى الحديد فى الفتونة ----------------كل واحد فيهم بيدافع عن ارضه ---وكأنه بيدافع عن امه وعن اخته----------------كل واحد فيهم بيحب الجندى اخوه---ويقدم حياته لاجله وهو مبتسم ------------------زميل سلاحه زميل وحدته ----اقرب اليه من عيلته وصحبته---------ورد الجناين اللى بحق وحقيق------------فتح فى قلوبنا وارتوى بحبنا--------------ورد الجناين والبساتين -------------شايلنهم فى ننى العين ----------ليل ونهار بندعى ربنا وربهم ---------------------يحفظهم ويردهم سالمين -----لكل اهاليهم وبنى اوطانهم.//سوسن

مصرنا جاية بعد الغمام

مصرنا جاية بعد الغمام ----------ومفيش حد حا يقدر يوقف الطوفان -------طوفان كرامتنا اللى لازم تتصان--------طوفان مشروعاتنا اللى طالعة بينا للامام ------------الشعب داس وحطم الاصنام ------اصنام مجرمين طلعوا وسط الزحام -----------كانوا عاوزين يضحكوا على شعبنا الهمام----حطهم تحت رجليه ومسك اللجام -------------بقى انتوا عاوزين تضحكوا على شعبنا الهمام ؟؟ --------------ده شعب غويط ياما اتكسرت اعدائه على البيبان ----------ويسكت ويخنس وما يطلعلوش صوت تسمعه فى الظلام ---------وفجأة يخرج لك من كل صوب ومن كل مكان-------يطربقها على دماغ كل من هيئت له احلامه فى المنام--------انه يقدر يضحك على شعب مصر الكرام ------------احنا اللى جذورنا ضاربة فى الارض -------ما تعرف ابدا لها أرار ///