بطلنا نسامح

بطلنا نسامح وبقينا وحشين 
اصل قلوبنا خلاص
عالظلم مش قادرين
قلبنا اللى كان ابيض
سودته عمايل الناس
نفوسنا اللى كانت صافية
خلت خالص من الاحساس
لما بنسمع كلمة حب
بنضحك واحنا مقهورين
لما بنسمع كلمة صداقة
نقول الله---سمعنا الكلمة دى فين
لما نمر بمحنة
بنشوف كل الناس
بشكل غير ماكنا شايفين
اللى يسافر واللى يروح
ويسيبنا بين الجدران محبوسين
والعالم كله يدور حوالينا 
واحنا اللى ساعتنا وقفت بينا
والزمان فجأة ما بيمشيش
ماحدش يعرف كم الرعب
والالم المدفونين
وعينينا اللى خايفين نغمضها
احسن تنام وماحاتصحيش
وماحدش بيقولنا 
كل الناس اللى كانوا حوالينا
ليه فجأة ما نلاقيش
الالم تجربة خاصة 
ما تتحكيش

حدوتة قبل النوم

((حدوتة قبل النوم))
اصحاب الارض باعوها
وبدل ما يشيلوا السلاح فى وش اعدائهم
عشان يجيبوا حق اجيالهم
ضربوه يابا فى صدور المصريين
وبدل مالجهاد فى سبيل الارض والعرض
قعدوا فى القصور وجابوا طيارين
كل واحد بقى عنده طيارة
قاعد بيشرب فى الخيانة
وايده فى ايد اسرائيليين
اغتالوا بعضيهم
وحفروا ارضنا الطاهرة
لاجل يهربوا منها المجرمين
اتفوا عليكم يا سافلين
النهارده لو جهنم حتى اتفتحت عليكم
حانقول ربنا خلص تار ابرارنا المستشهدين
النهارده لو تموتوا كلكم
مش حايكفينا فى نقطة دم سالت
فى يوم اسود حزين
لعنة حاتفضل تطاردكم
لما قتلتوا المتوضئين
الساجدين الراكعين
فى بيت ربنا يا كافرين
ربنا يورينا فيكم يوم
يشفى غليلنا من سنين

مصر (لا تقولى خوفو ولا خفرع)

لاتقولى خوفو ولا خفرع
السيسى بجد هو البناء الاكبر
طول ما هو ماشى يخضر ويعمر
ايده فيها البركة والخير يبشر
ايشى مشاريع ايشى صوبات
ايشى جلالة ايشى انفاق
ايشى قناة سويس تقصر المسافات
ايشى طرق جديدة بتلف البلاد
ايشى سمك ايشى خضروات
ايشى قمح اللى ياما بسببه
اتذلينا يا ناس سنوات
كنت فين ياريس
ماجيتش ليه من زمن فات
ياريتك هليت علينا بدرى
ماكنش جرى اللى كان
وكان زمنا بقينا
حاجة تانية يشار لها بالبنان
لكن معلهش يا دنيا
كل شئ فيكى بأوان
ومصيرنا نلحق زماننا
ونعوض كل اللى فات

الفيسبوك

الفيسبوك"

وناس كأنها فاتحة الراديو على نشرة الاخبار---وناس كأنها لو ماكتبتش 50 بوست فى اليوم --حاتنهار -----وناس سارحة فى ملكوتها --وبتكتب خواطرها--- وكأنه يعنينا نعرف مين بيحبوا--- ومين شايلين منه من الحزن انهار --------وناس قاعدة تنقل ناس تانية بتقول ايه طول النهار---وناس بتحلل وتتعمق وكأنها مفتية الديار --------وناس تألف اخبار علشان تسبق بيها كل الاصحاب الاخيار---------وناس مكتئبة وبتتسلى--- وتتونس بالدفء ولو حتى ---عبر الاثيرفى الاوهام والافتراض-----وناس عاوزه تقول لنا حاجة مهمة وتوعينا عشان ماحدش يضحك علينا ويكرر مأسى مامر علينا وراح -------وناس عاملة مجلة حائط ----بتحط لنا صور وحكايات وبتشتغل كولمبو ولابسة نضارة وحاطة سماعات----وناس قاعدة تشوف الحكم والمواعظ اللى مرت من اول الزمان -----وكل شوية تقولنا حكمة احسن نكون ناسيين او تهنا فى الزحام -------وناس تتخانق حوالين موضوع هايف ----وتحاول تطلعك انت اللى غلطان -------ودار الافتاء تكتب فتوى : البنطلون حلال والا حرام --------اه يا دماغى يانا -------الفيسبوك جنان فى جنان///

الاهرام اليومى

كل ما اقول مش حاجى هنا تانى / الاقى ايدى واخدانى وجايبانى / اصلى باحس ان هنا بيتى / والكلام هنا له طعم تانى / انا باحبكم مفيش كلام / لكن بازهق احيانا من قيد هنا وقيد هناك / اصلى انا روح حرة/ مش باحب ابدا حد يقفل فى وشى باب///

احنا كده يا عمى ---وقت البكى ما نبكيش ---------وقت الفرح نبكى -------ما حانخدش العزا ---غير لما يجينا خبر يشجى-----ولما يقولوا لنا خدنا بحتة من تارنا ----لازم بقى دموعنا على خدودنا تسرى----اصل الولد الاصيل اللى راح -----ما يكفناش فيه الا لما الصحرا تكتفى وتروى

فقدان الذاكرة القومية احد اساليب حروب الجيل الرابع

اعدائنا يريدوننا بلا دين ---بلا تاريخ -----بلا هوية ---يريدون مسح ذاكرتنا القومية ----يشوهون الدين ----يشوهون التاريخ -------فنفقد الهوية -----ونهوى على الارض -----مسوخا بشرية ---فاقدى الارتباط ------فاقدى الجنسية------فهل يتذكر من فقد الذاكرة -----كيف كان او من اين ------جاء الينا او الى اين المسير-----وماهو هدف الرحلة ومستقبل البرية؟؟؟؟؟-------يهدمون الماضى ----يهدمون اواصر تربطنا بالارض العفية ----فنتوه فى الطريق ----ولايكون لنا مستقبل -------بعد ان تهنا عن انفسنا -----واصبحنا ريشة فى مهب الانسانية.

من غير عنوان

شايلين ألمنا فى الحياة وماشيين
قلوبنا مكسورة من سنين
لكن كسر القلوب ماحدش بيشوفه بالعين
مخبيين الامنا حتى عن اقرب الاقربين
مش عاوزين نضايقهم وننقل لهم
اللى احنا مش على شيله قادرين
وكفاية ربنا عالم بينا
وفى ايده وحده يداوينا
ويمسح الامنا فى غمضة عين

ينفع؟؟

ينفع العصفور وهو متألم
يغرد --ويفرح---ويصيح؟
ينفع العصفور وهو متقيد
يفرد جناحاته ويطير؟

رجال الاعمال الذين يعملون ضد الدولة المصرية:

مكناهم من دم المصريين وسيبناهم ياخدوا قروض بالملايين -----------وسيبناهم فى اقوات الناس طايحين ---------------لما بقوا غيلان وعلينا قادرين --------------------اللى حضر العفاريت لازم يكون على صرفها من القادرين ------------------------زى الدولة ما كبرتهم وكبرت نفوذهم وخليتهم بالخارج متصلين ------------قادرة النهارده تفعصهم ----------كما يفعص اى صرصار لعين.

هاتوا المحبة وانشروها

هاتوا المحبة وانشروها
هاتوا البهجة واتنفسوها
هاتوا السعادة والبراءة
وحسوا بيها
كفاية بقى هدوم سودة
كفاية افكار قديمة
مش لايقة مع احلامنا الجميلة
الجو حوالينا كله انسام لطيفة
والامل اتزرع جوه عيوننا الحزينة
ماتفكروش فى اللى قال واللى عاد
واللى عاوز يلهينا عن افراحنا الوليدة
كان امبارح عندنا فرح
و630 مليون قدم غاز
دخلوا على الشبكة القديمة
واصبح انتاجنا 5 مليار قدم يوميا
تكفينا وتكفى مشاريعنا الحديثة
الريس ماشى فى طريقه
وكل يوم بيفتح مشاريع جديدة
وعاوزكم تزرعوا الامل
فى النفوس الكئيبة
يلا ندعى ربنا كلنا
تكون ايديه فوق ايدينا جميعا

وناس

وناس كنت تتمنى -----ما يظهروش فى حياتك --------وناس كنت تتمنى لو ما مشيوش-------وناس قلبها رقيق -----وناس تانية وحوش ---------وناس تتعلم منها --------اللى فى المدرسة ما اتعلمتوش -----------وناس بخيلة ولو بكلمة ----------خايفة المعرفة تروح منها وما تجيش --------وناس لطيفة وناس سخيفة ---------فاكرة انها بدم خفيف------------وناس انسانة بتفيض حنية ----------وناس تانية متبلدة الاحاسيس ------وناس تبهرك وتتخدع فيها ---وفى اول امتحان تسقط سقوط ذريع///

العيون

عيون تانية قزاز ----ماتعرف جواها ايه -----------وعيون تضحك بفرحة-------ومن جوه باكينين ----وعيون رموشها طويلة ---بتدارى الدمعتين ----------وعيون بتقولك تعالى -----------فين غايب من سنين -----------وعيون بتقول انا اسفة ----------ماعدش جوايا حنين -------وعيون بتقول باى باى يا دنيا ----------ماكنليش فيكى نصيب ---------وعيون بتقول ياربى انت خلقتنى ليه --------وعيون تضحك وتبكى -----------مش عارفه شاعره بايه ----------وعيون تانية بريئة ------ماتلوثتش من الضجيج ------وعيون تانية تقولك ------عمرى ما كذبت يا بيه -------وهيا دى المصيبة ---------فى هذا الزمن اللعين///

سوسن

كتاب حياتى يا عين

كتاب حياتى يا عين
فيه العجب العجاب
ياما شوفنا وياما
فارقنا اصحاب واحباب
ياما سئلنا نفسنا دول مشيوا ليه وسابونا
وبعد سنين عرفنا كانوا بيغيروا مننا
يا ما سئلنا نفسنا ناس كانت بتقولنا
انها اقرب الينا من اخواتنا واهلنا
ولما خلاص الغرض انتهى
ما حصلاناش حتى الصحاب ولا العدا
كنا زمان نستغرب
من كل شئ بيحصل حولنا
دلوقت كله عادى
شفناه قبل كده
وخلاص عرفنا ان احنا
جينا فى زمن غلط
مش اواننا ولا بختنا

مصر 166( المصريين هما مين؟)

ناس بتقول المصريين هما مين ؟ مالهموش كتالوج -----تلاقيهم مهمومين -----وشوية فرحانين ----شوية فوضويين ----شوية خطرين ------تلاقيهم مبدعين -------وفيهم ارهابيين -----المصريين هما مين؟؟؟؟
احنا اللى بنفرح قوى --------ونزعل قوى برضه----------احنا اللى الحزن عمره ---ماقدر يفرد ضفايره -----------------احنا اللى فى عز البكا -----------تقول نكته نضحك---------احنا اللى ارادة الحياة --------هيا دايما بتكسب -----------احنا اللى الصبر نفسه -------زهق من صبرنا وفلق------------واحنا اللى بنحس بالخطر ---------لو من بعيد طاف وخطى--------واحنا اللى ساعة الجد------------نصطف كلنا عسكر -----------احنا اللى بنحب بلدنا -------فوق ما تتصور/// سوسن

ياوكسة سودة مهببة

اقول ايه واعيد ايه
يا وكسة سودة مهببة
بترول وبعته ربنا
لدول خليج صغننة
وبدل ما تعمل بفلوسها
نهضة وحضارة وزهزهة
رايحة تشترى سلاح
وتدمر بلاد وعباد
وفلوسها كلها
تطير فى الهوا
وتحط ايدها فى ايد كلاب
عاوزين يدمروا شرقنا
ملايين ماتت يا ناس
فى رقبة مين دمهم؟؟
وناس اترموا فى بحار غريقة
ماعرفوا ابدا يوصلوا
واطفال شافت مأسى
بدل الحضانة والمدرسة
سمعوا قنابل وماتت اهاليها
دمار وعار ودربكة
ويحطوا فلوسهم فى بنوك العدا
ياخدوها بالحيلة والمنجلة
يا تدفع يا باشا وانت مخروس
لنشيلك من العز والدفا
ونجيب اى حد بدالك
ونحطه فوق عرش المملكة
ده احنا جايين نحميك
وجايبين الاساطيل والزمامير
ولا ايران و لاحد يقدر يقرب من الحما
رايحين تتحالفوا مع الشيطان
وتسلموله مفاتيح الكرار
وترفعلوه القبعة
يا خيبتى يا حوستى يا لوستى
كيف حانخرج من دى الديلمة؟؟؟
سوسن

الفؤاد

دى البصيرة اللى بنشوف فيها ونمشى بيها فى الحياة -----مش ذكاء ---مش خبرة ------دى القلب اللى اللى بيورينا طريقنا --------ساعة ما بيتخلى عنا الاحباب------دى السر اللى وضعه ربنا فينا------------يهدينا لما ما تكونش فيه علامات

مصر 165

هو اللى فاتنا يا ناس
يتساوى باللى ما سبناش؟؟
هو اللى ما خافش لحظة على نفسه 
وشال حياته على كفه
يكون زى اللى خاف على نفسه
وخرج بره ولسه ماجاش؟؟؟؟
هو اللى لما كان الظلام حالك 
ومش شايفين فيه ضوء خالص
واليأس خلاص قرب يبلعنا 
ويلفنا من ساسنا لراسنا
كانت كلماته البسيطة
ورسالاته العميقة 
بتنور لنا الدنيا 
وتقول لسه فيه حاجات تانية 
وان دى مش نهاية الدنيا 
زى اللى قاعد هناك ؟
ويسمعنا صوته فى الفضائيات 
هو اللى حط روحه على كفه 
ووقف شجاع قدام  الدنيا 
واتحدى هو واثق من نفسه 
وعارف تاريخه وعارف شعبه 
يتساوى ببتاع البونبون
عارفين انه مصرى وطنى
لكن يا جماعة
ايش جاب لجاب؟؟؟؟؟

بتاريخ 6 ابريل 2016

الى خير اجناد الارض --------------باصبح عليكم
مين غيركم يحمى الحما-----------------مين غير ولاد مصر الحقيقيين ؟ ----------------مين يشيل همها -------غيركم انتم يا مصريين ؟ ----------------مين شارب من نيلها ----ومتربى على ايد غاليين ---------------الام اللى رضعتكم ---------------اديتكم لبن ووطنية -----------كانت عاوزة تربطكم --------------بالارض ديا -------ربت رجالة يعرفوا قيمة الوطن ------------------ويعنى ايه فداء وتضحية(سوسن)

ناس خبيثة

لا ----ساعات فيه ناس خبيثة -------تبان حبيبة وصديقة --------وبعد سنين طويلة نلاقيها خسيسة

ابين زين ابين ----وشوش الودع

مكتوب فيه سكة سفر -------------وطريق طويل مزروع ورد وقمر-------------وقلب طيب مليان حنية وسهر -----وسهر مكتوب على الجبين -----------تفكرفيما هو زين --------وخير مبدور على الجنبين -----------------وشايل هم البشر///

مصر 164(والله العظيم اقول الحق)

((والله العظيم أقول الحق))

ان كنت فاكر يا صاحبى
لما نادينا على السيسى
كنا عاوزينه ينزل لنا الاسعار
ويخلى باله من سعر اللحمة والخضار
تبقى اكيد غلطان
احنا نادينا عليه ينقذ مصرنا
من الاشرار
نادينا عليه يخلصنا من عصابة
حطت فى برنا
ناوية تقعد على قلبنا 100 سنة
نادينا عليه يدور على مصر
لانها خلاص كانت
ضاعت مننا
نادينا عليه علشان
ننزل من بيوتنا فى امن وامان
ومفيش حاجة تفرقع جنبنا
نادينا عليه علشان
كنا بقينا فى بلادنا اغراب
وكل ما نبص عالشاشات
نلاقى وشوش عكرة
تكذب وتنافق
وتحرق دمنا
كنا خلاص على وشك الجنون
واحنا شايفين مصر
رايحة لحافة مدمرة
ومش عارفين نعمل حاجة
الامور خرجت عن السيطرة
والسيسى جه اهو
وبيحمى الحما
شغال بعقله وقلبه
وحامى حدودنا كلها
وبيخوض حرب ضروس
واققة فيه الدنيا ضدنا
وايده اليمين بتحمى
والشمال بتبنى البنا
حالف ان مصر حاتبقى جنة
لينا ولولادنا بعدنا
وكفاية ان حيطان بيتنا
بتحمينا وتصون عرضنا
-----------------------

ساعات فى الربيع

ساعات فى الربيع
تصحى الصبح زهقان
عاوز تغير الكون
لكن مش فى الامكان
شايف كل الكلام
سفسطة وهذيان
عاوز تقرى حاجة
تفتح لك البيبان

طيبون طيبون

طيبون طيبون
الفيس كله تهانى
رمضان جايلنا من تانى
وأهى البشاير هالة علينا
رجب جالنا والقمر طلع لينا
الحقوا بقى حوشوا للياميش
واشتروا من دلوقت الفوانيس
وجهزوا لستة العزومات
وقمر الدين والبلح امهات
حضروا اللى حاتكلوه وكل حاجة
الا التقوى والصلوات
الا البشرى بالجنات
امتى تسكن قلوبنا حقيقة العبادات
ونعرف ان شهور جايلنا
بخير الزاد
وان فيها ايام مباركة
بتترفع فيها الدرجات
واننا كل يوم فى امتحانات
نور قلبك وصفيه من الزلات
وادعى ربك يرزقك كل يوم
عمل من الطيبات
يكتبلك بيها حسنات
ويبلغك ويبلغنا رمضان

بتاريخ 25 مارس 2016

خليكم مستمرين ---------وللعدو مصحصحين ----------مش عملية وخلصت ----------كملوا الجميل-------------ما تخلوا كلب ارهابى واحد ---------------على ارض خطى عليها الكليم -----------------------استمروا استمروا ---------ربنا معاكم يا مصريين

بتاريخ 24 مارس 2016

وحق كل دمعة سالت من ام على الشهيد
وحق كل اب شال كفن ابنه عالايد
وحق من خلق السما والارض
وخلق مصر من الاف السنين
تار كل من فقدناه فى سينا
حايرجع مش احنا اللى نسيب حق الشهيد
وسينا ما فى كلب حايقدر يقرب
سينا مروية بدماء المصريين
وعهد علينا ليوم القيامة
يا نحافظ عليها لنكون كلنا فيها
مدفونين
(سوسن)

مصر 163

مصر .. من 7000 ميجا عجز في الكهرباء في 2013 الي فائض 10.000 ميجا في 2017:
عمار يا مصر ودايما كده منورة ---------وازاى ما تنوريش وانت حتة سكرة ؟؟ -----توب الكهارب والفسحة واللعلعة ------------لايق عليكى يا ام الدنيا --------ياحلوة يا مدلعة///

مصر 162--------بتاريخ 14 مارس 2016

(الى نسر من نسور الجو راكب طيارته وبيحمى حمى أرضه وعرضه)
ياطاير فوق بطيارتك / ربنا يحميك/ تحمى سمانا وارضك/ من عدو لعين/ الروح بتقدمها لبلدك/ وقلبك مش ضنين/ حالف وايدك على مصحف ربك / ليوم الدين / ما عدو يملك سمانا / ولا اندال مجرمين / وطول ما ربنا ويانا/ مين يهزمنا مين ؟؟؟؟///سوسن

مصر 161------بتاريخ 12 مارس 2016

السيسى يعود بالسلامة الى ارض الوطن
يا صحبة ورد بلدى جاية من بلدى----روحى مسى على نور عينينا ---وقوليله لما بتسيب مصر يوم----------------بتضلم وتفضل للسما رافعة ايديها ---------يجيبك بالسلامة ربنا ------------وتفضل كده لينا راعينا-----------يا سيسى بنحبك وحالفين -------ايديك دايما ماسكة فى ايدينا------

خواطر سوسنية(مصر 160)

كل اللى بيكرهنا او بيحبنا ------غصبا عنه حاييجى عندنا ----------اصل احنا رقم كبير فى المعادلة ---------واكبر ما فى المنطقة --------والكل عارف وفاهم وساكت --------وخايف من المارد اللى هنا-------------مش عاوزه يقوى ولا عاوزه يموت ---------عاوزه يفضل فى الدهولة ---------ما يقبش براسه على وش الدنيا ----------ويفضل كده فى الدواير المغلقة ----------لكن دى ارادة ربنا -----------شيئ كبير يتولد هنا ----------شعب يستلهم 7 الاف سنة -------ويقوم وينهض ويبنى العلا///

خواطر سوسنية ------صورة واحدة عجوزة

ابص فى وشها ----اقرى كل اللى فات --------وخطوط مرسومة على كفها ------------تقول الذكريات---------------كل الشقا والهنا مكتوب جوا عينيها ------والضحكة اللى طالة بيها علينا-------مقدرش كل الحزن يداريها او بالهزيمة يدخلها

ذكريات من زمن فات(بتاريخ 22فبراير 2016)

ناسك يا مصر
الدنيا اتشقلب حالها --------ومفيش حد قاعد على حاله الا احنا-------------الفلوس لها بريقها ------------اشمعنى مع كل الناس الا احنا--------------المصالح بتتكلم ------------واثرت فى كل الناس الا احنا----------------طول عمرنا بنرضى ضميرنا احنا---------عمر ما حاجة زغللت عيونا احنا---------------------ماشيين على الصراط المستقيم فى الدنيا احنا------------------بنعانى ونشوف الامرين احنا-----------ولا عمرنا فكرنا مرة حتى واحدة احنا----------------نعمل حاجة ضد مبادئنا احنا--------------الناس التانية دى بتعمل كده ليه ؟ --------------بتتخلى عن الشرف بسهولة كده ليه ؟ --------------فاكرين حاياخدوا معاهم ايه ؟ ---------------وازاى قادرين يبصوا فى المراية لوشوشهم العكرة؟؟؟؟

ذكريات من زمن فات---بتاريخ 18 فبراير 2016

(اخوانى كان يريد الهرب متخفيا فى نقاب)
اكبرهم حرمة ---واصغرهم حرمة ----كلهم جزمة ----------وزيادة على الدنيا -----نفايات بشرية -----------مالهاش اى لازمة ------------اتخلقنا عشان نعمر ------ودول يقولوا ندمر ---------------لازم يتقضى عليهم بقى --------المرة دى من جذورهم --------علشان ما تقمش ليهم قومة --------------ونخلص بقى من شرورهم(سوسن)

كن انت انت

كن انت انت
اسمع العالم صوتك--------القادم من اعمق اعماقك --------------اظهر للعالم وجهك -----------مغسولا معجونا بالصدق -------------------اخرج كلمات من جوفك -----------تقول وتعبر عنك-------------لاتفعل شيئا على غير مرادك ----------لا تعش لحظة ليست هى لحظاتك -------------كن نفسك وطوال الوقت --------------لا تتغير وتترك انحائك ------لم لم شتات نفسك ----------------يبقى حولك من شاء ------وليرحل من لا يعجبه حالك.

بتاريخ 8 فبراير 2016-------اه يا بلد

عجبى
اه يا بلد مات الضمير فيكى/ نساويها من هنا/ نلاقى من هنا الفساد ماليكى / قربة مقطوعة كل ما نحط فيها خير/ يسرسرب على الارض / من كتر الخروق اللى فى كل زواريقك/ امتى حانصحى الصبح نلاقى الضمير صحى / امتى الاخلاق ترجع تانى ليكى///سوسن

خواطر سوسنية(مصر 159-----عفر وجهك بتراب الوطن)

عفر وجهك بتراب الوطن
واغسل فى النيل أقدامك
وامحو كل سئ علق بك
وارمى فى النهر أدرانك
لا تعرف معنى الوطن
حتى تعلو فى الجو طائرتك
وتغادر حدود بلادك
لا تعرف معنى الوطن
الا حين تنظر فى الوجوه
فلا ترى عيون وقلب أحبابك
لا تعرف معنى الوطن
الا حين تبكى لسماع صوت
يأتيك من عمق ألامك
يذكرك بيوم جميل
عشته بين أقرانك
هيا مصر حبيبتى ايه
غير أشياء حفرت
بعمق وجدانك

خواطر سوسنية (مصر---حاجيب طبلة حقيقية)

حاجيب طبلة حقيقية / وامشى اشكر فى السيسى / لو حتى جوقة موسيقية / مش ممكن حاتوفى حقه /احنا ليه بنحبه؟ / ماهو ده اللى طلبنا من ربنا يجيبه / ما هو ده اللى قلناله احنا منتظرينه / ماهو ده اللى حط روحه على كفه/ وانقذ مصرنا من مصير اسود كان حايجينا حايجينا/ ماهو ده الفجر اللى هل علينا/ بعد الدنيا ماكانت سودة فى عينينا/ ما هو ده الامل اللى بينور لينا/ وخلى الدنيا حلوة فى عينينا/ يارب ارعاه واحفظه لينا / ده النجم اللى بعته لينا / يرشدنا ويهدينا ///

خواطر سوسنية

طائرات مجهولة تضرب الدواعش فى سرت
يا طيارة يا مجهولة -------طيرى طيرى هناك ودينى -------------فوق الدواعش ونزلينى ------------------اخد رقابهم واخد حياتهم وفى لحظة --------يفارقوا الدنيا غير مأسوف عليهم-----------------هو احنا عبط يابا -----------حانسيب الخطر يقرب علينا؟ ----ده ليبيا دى عارفينها -----------زى ما عارفين صوابع ايدينا ---------واللى يقرب خليه يجرب ---------نار الفرن حاندخله فيها 
(بتاريخ 11 يناير 2016)