خواطر سوسنية (مصر 112)------الزفة اسكندرانى

 الزفة اسكندرانى



والعريس مصراوى



اما العروسة الحلوة



من التراب الاسوانى



اما العروسة الحلوة



من 27 محافظة --اه يانى



وفى عرفنا العريس هو اللى



بيتقدم ويخطب الحلوة



لكن فى عرسنا دوه



العروسة هى اللى شاباكانى



شهور وشهور وهى بتنادى



من الصعيد الجوانى



من بحرى وقبلى



عالعريس ابو بدلة كاكى



وتقوله تعالى اتقدم



عاوزاك انت اللى صنت ترابى



ومفيش لك اختيار



اهون عليك تخلى بى ؟



ده انا كنت فاكره خلاص



مفيش قطر حايفوت تانى



ومصر بقت جدب



واختفى منها الرجال الحقانى



لكن لما طليت علينا



وقلت ما حدش حن علينا



وقلت تتقطع ايدينا



لو تتمد عليكم يا احبابى



قلت هو ده العريس



اللى استحقه يا خلانى



وصبرى ما رحش على الفاضى 



مين قدى النهارده



مين تانى



انا طالعة اتمخطر



بالتوب المعجبانى



النهارده فرحى



والزفة عجبانى



لالبس توب الفرح الابيض



مش قلعاه تانى



زغروده يا اهل الله



سمعوهالنا بالصوت الحيانى

بيلوموا على المصريين يغنوا ويرقصوا ------طب بالعند فيهم حانغنى ونرقص ونفرح كلنا----------فى كل شارع من شوارع ارضنا

‎انتم اعداء الحياة مش فاهمين 

ومش حاتفهموا

لما المصرى رقص وغنى

كان بيكيد العدا

وبيقول للدنيا غنى 

وافرحى وظأططى

وحافضل طول حياتى 

ماحدش حايقدر يسرق ضحكتى

لو كنتوا زرتوا المعابد

كنتم عرفتوا يعنى ايه 

لما يرقص المصريين

يعنى الفرحة غامرة

يعنى خلاص

دحضنا العصابة 

وراحت فى الوبى

يا كل مصرى وكل مصرية

افرحوا وغنوا وارقصوا

كيف ما بدالكم اعملوا

انتوا النهارده

العالم كله بيرفع لكو القبعة

طلعوا حتى لسانكم

لكل اعدائكم

وقولوا لهم 

طول ما جيشنا حبيبنا فى قلبنا

وطول ما شرطتنا عارفه

يعنى ايه تحمى الحما

وطول ما احنا كلنا

ايدينا فى ايدين بعضنا

حانكيد العدا

وحانخرج للشوارع نغنى ونرقص كلنا

وان شالله يا رب ابدا

ما تخلص الافراح من عندنا

خواطر سوسنية (مصر 110)------علقوا الزينات

 (اليوم اعلان النتيجة الرسمية لفوز السيسى برئاسة مصر)



علقوا الزينات وافرحوا يلا



من الساعة 7 للفجر يا اهل الله



جالكم اليوم اللى بتستنوه اهو



والدنيا فرحانة والانوار ساطعة

خواطر سوسنية (مصر 109)---ساعات الفرحة (بتاريخ 29 مايو 2014)

ساعات الفرحة بتبقى كبيرة قوى



ما نقدرش نعبر عنها



ساعات الفرحة بتبقى كبيرة قوى



قلبنا مش قادر يساعها





90 مليون انسان



بيسلموك مصر



ما انت حفيد احمس



ومخلصها من اعدائها



عاوزين نرقص فى الشوارع



ونغنى نشيد النصر



بلدنا بقالها ريس



جابه الشعب بارادته



لا حد دفع له زيت



ولا قاله هات بطاقته



الشعب امر السيسى



قاله اخلع يونيفورمك



بلدنا محتاجلك 



ومين غيرك حس بينا



بلدنا فى انتظارك



وايدين مين  غير ايديك 



حاتكون امينة



نرجوك يا حبيبنا



اوعى تنسى طبقاتنا الفقيرة



 ست حاطة مشنة



وحاطة صورتك ويا العلم



وراجل وقعت سنانه



بيضحك وعنده امل



راحوا الاتنين حطوا صوتهم 



عشان ولادهم ويا احفادهم



وعارفين ابن بلدهم



اللى حايصون البلد



 وشك كله نور



وعليه رضا من الخالق



وشك كله نور



من قلبك كله خارج



يا رب تكون معاه



ده النجم اللى بعته لينا



ينقذنا ويهدينا



يا رب احفظه لينا



يارب احفظه لينا



يا رب احفظه لينا 

خواطر سوسنية (مصر 108)---يا مصر يا حبيبتى(بتاريخ 28 مايو 2014)

(الحامل والمشلول والمريض والمسن ----كل الناس راحولك يا مصر علشان يحطوا صوتهم ومش كتير عليكى يا مصر ----ده حتى واحدة صوتت برجليها لانها بلا ذراعين----هما دول ولادك يا مصر)

---------------------------------------------------------------------------------



على رجلى امشيلك



على ايدى امشيلك



ولو طلبتى يا حبيبتى



على رموش عينى اجيلك



الارض عرض يا ناس



بتلومونا ليه على حبنا ليها



الارض دى احساس



مالى جوانحنا ومسيطر علينا



ومهما نشوف أرض تانية



حلوة والا جميلة



نقولك يا عم



مفيش زى ام الدنيا



ولا فى اى بلد بعديها



يا رب ما تحرمنا ابدا



من ناسنا واهالينا



وتسبغ خيرك يا رب



وسترك يغطينا

 

خواطر سوسنية (مصر 107)--------تعالى بقى يا بكره انت ليه ما بتجيش(بتاريخ 28 مايو 2014)

تعالى بقى يا بكره ---انت ليه ما بتجيش



عاوزين نسلم الامانة



للى غيره مفيش



عاوزين نشيله همومنا



ونرمى عليه حمولنا



عارفين انه يصونا



وحامى حدودنا



وموقف اعدائنا 



عند الخط البعيد



 واقفين متربصين لينا



حاطين ايديهم فى ايد بعضيهم



بيشوفوا حانعمل ايه



ونخرج من الورطة كيف



والا يا ترى حانقعد فيها



ان شاء الله طالعين



ولبكره خارجين



ده احنا فى شوق ليه



وجاهدنا عشان نوصل ليه



تعالى بقى يا بكره تعالى 



انت ليه ما بتجيش



 تعالى بقى يا فرح تعالى



عاوزين نفرح ونهيص



مفيش نوم النهارده يااحبابى



للصبح حانسهر طوالى

 

خواطر سوسنية (مصر 106)------بنحبك وربنا شاهد(بتاريخ 26 مايو 2014)

 بنحبك من قلبنا وربنا شاهد



بنحبك يا ريسنا بنقولها ونعاهد



اننا حاتكون ايدينا قبل ايديك سابق



عارفين الطريق وعر قد ايه



وكله حفر ---مطبات ومخاطر



عارفين حجم اعدائنا



وعارفين قد ايه التكاتف 



بين قوى الشر فى الداخل وفى الخارج



لكن ربنا هو للبلد دى حارس



واللى يكون معاه ربنا



ما يكونش ابدا خايف

خواطر سوسنية (مصر 105)--------بسم الله حانسمى(بتاريخ 26 مايو 2014)

بسم الله حانسمى 



بسم الله حانخطى



والقصر الحقيقى جوه قلوب الناس



والكرسى الحقيقى هو الاخلاص



والمنصب الحقيقى



انه يكون رئيس



الشعب جابه ونادى عليه بحماس



احنا النهارده فى يوم جديد



ومصر بتخطى للمستقبل اكيد



احنا النهارده يا اخواتى



كلنا كلنا فى عيد



خطوة واحدة حاتعملها



حاتورى العالم خطوتك



علامة واحدة تعلمها



تقول للعالم كلمتك



بعودة يا أيام المجد



بعدوة يا مصر العهد



نقسم بالله يا حبيبتى



 شابكين ايدينا فى ايدين بعض



حانقوم من كبوتنا



ونخليكى ست الكل



بسم الله حانسمى



بسم الله حانخطى الصعب



ويارب يا سيسى يا حبيبنا



تبقى رئيس مصر

 

خواطر سوسنية (104)--------انزل يا حبيبى انزل(بتاريخ 25 مايو 2014)

انزل يا حبيبى انزل



بلدك حاتضيع



انزل اختار السيسى 



ده الاختيار الزين



عاوزين عاوزين عاوزين 



مساكن وخضرة



مصانع بكثرة



سياحة واوبرا



تماثيل على الترعة



لما انت تنتصر هنا على الارهاب



تدى دفعة للناس فى ليبيا وسوريا



 وبكره تونس تلحق بينا



وندحض مشروعات استثمارية خيالية



وندحض قوى تخلف ورجعية



وندحض متاجرة باسم الدين مدوية



قوم يا ابن بلدى قوم



رقدتك طولت قوى



واذا كنا زمان مغلوبين على امرنا 



معدش حدانا حجة



الوعى اهو اكتمل



وعرفنا كل حاجة



صريح عالمفتشر



عرفت حبيبك مين 



عرفت جيشك مين



عرفت مين شرطتك



عرفت مين قضاتك



وعرفت مين حفظتك



وقت الخطر واللزوم



 فيه هنا دولة



وليها اظافر ومخالب مش لعبة



دى مصر يا با



مش عزبة ولا مقاولة

  

خواطر سوسنية (مصر 103)------

 مش قادرين نصبر خلاص



عاوزين من دلوقت



نبات على باب اللجان



عاوزين نخرج بسرعة



للخير والحب اللى جايين



عاوزين بلادنا تعدى



وتخرج للعالم منصورة



رافعة رايتها ومشحونة



امل وتفاؤل وعزيمة



عاوزين نبتدى على طول



ضيعنا كتير وقت على الفاضى



ماعدش فيه كلام يتقال



خلصناه كله فى 3 سنين



ماعدش قدامنا يا ناس



غير عمل وشغل دائبين



من هنا ورايح



كله يشوف شغله



من هنا ورايح حانصلى الفجر حاضر



ونقوم نجاهد فى كل وقت وحين



رب العالمين بيقول لنا



حى على الفلاح يا مصريين



خليكوا دايما فاكرين



كل واحد مننا



ايديه فى ايدين اخوه والباقيين



وروا العالم كله



مين هما المصريين

خواطر سوسنية (مصر 102)-----نازلين نازلين----بتاريخ 23 مايو 2014

نازلين نازلين



باذن الله نازلين



وحانقف يا عمى 



ملايين عالصناديق



بلدنا  بتنادينا



ازاى نتخلى عنها



بلدنا محتاجانا



كل مصرى يجيلها



قوم يا مصرى قوم



السيسى دهب مش قشرة



 قوم يا مصرى قوم



بص معانا على بكره



فرصتك النهارده



تختار لبكره



عشان ابنى وابنك



ما تضيعش الفرصة



انا وقعت على رجلى



وباعانى وبتألم 



لكن باذن الله نازلة



لو كان اخر يوم فى عمرى

 

خواطر سوسنية (مصر 101)---يا سيسى------- بتاريخ 23 مايو 2014

 وشك الباسم ده



بينور لنا الدنيا



ويقول لنا مصر بكره



حاتكون حاجة تانية



بشرتنا بالخير



وأثلجت قلوبنا



وكانت طلتك علينا



حب وخير مغرقنا



يا سيسى احنا بنحبك



يا ريت يكون حبنا وصلك

خواطر سوسنية (مصر 100)---خلاص خلاص خلاص(بتاريخ 20 مايو 2014)

خلاص خلاص خلاص



ما بقاش فيه حتة فى قلبنا ما اتقطعتش



خلاص خلاص خلاص



دموعنا خلصت وما بقتش



شباب بيسقط من غير ذنب



كل همه يحقق الامن



وجاى وواقف من غير سلاح



وتقابله رصاصات الغدر



طيب ليه بتوقفوه



وسلاحه منه تاخدوه



ويدافع عن نفسه بايه



حد فيه عقل يرد يا بيه



ايه اللى بيحصل ده



يعنى ايه قنابل غاز ودرع



يعملوا ايه وسط الخسة والندالة



يعنى ايه قنابل غاز ودرع



وفى المقابل آلى وتفخيخ وغاغة



حد يا ناس يرمى جندى فى الميدان



ويجرده من كل سلاح



حد يا ناس يوقف قوات أمن



من غير ناس تحميهم شاهرة رشاش



يا مثبت العقل والدين يارب



خلصنا بقى من الخونة المجرمين



يا مثبت العقل والدين يا رب



اعط الصبر لاهلهم المساكين 



يا مثبت العقل والدين يا رب



خرجنا من المحنة سالمين

 

 



 



 



 

خواطر سوسنية (مصر 99)---الوش زى أى وش مصرى(بتاريخ 10 مايو 2014)

 الوش زى أى وش مصرى



والعيون نفس العيون



والتحدى والاصرار هما هما



ما اتغيروش عبر القرون



اللون اسمر زى النيل



والبصة مش عارفه رايحة لفين



ماكانش يعرف لما اتصور



ان دى يمكن اخر صورة ليه



لكن ما تخافش يا تايجر



 صورتك انطبعت جوه القلوب



وماحدش حايقدر ينسى يوم اسمك



ده انت فى السما دلوقت موجود



وحاتشفع ل 60 من اهلك 



يباهو بيك كل الوجود 

خواطر سوسنية (مصر 98)------بحبك يا سيسى---بتاريخ 5 مايو 2014

علشان بحب مصر قوى --بحبك يا سيسى



 علشان محتاجين حد يحبنا قوى



 بحبك يا
سيسى



 علشان بلدنا تستحق الحياة



 بحبك يا سيسى



 علشان ناسنا واهلنا



 علشان نحمى حدودنا وعرضنا



 عشان كرامتنا



 وراسنا تفضل فوق فى السما



 عشان
جيشنا دايما



 يكون حمانا وضهرنا



 عشان طفل صغير يحلم



 ببكره اللى جاى بالهنا



 عشان راجل عجوز



 ضهره انحنى



 ولسه بيضحك ويأمل فى غد



 لاحفاده جاى من غير
شقا



 عشانى وعشنا احنا كلنا



 بنحبك يا سيسى 



عشان انت اللى بتحبنا



 عشان
بتحترم عقولنا



 وما بتخدعش تانى قلبنا



 عشان صادق



 وبتراعى فينا ربنا



 احنا
اخترناك من قلوبنا كلنا



 وحانمشى وراك 



 ما انت قائدنا



 ومتربع على عرش
قلبنا



 يا سيسى امضى فى طريقك



 ومسانداك رعاية ربنا

خواطر سوسنية(مصر 97)---مصرنا جاية بعد انقشاع الغمام--بتاريخ 2 مايو 2014

سنطرق على كل الابواب



لن نترك بابا ولا شباك



كل ليل يأتيه نهار



وكل شمس تشرق بعد الظلام



واذا كنا فى السفح الان



ليس لنا الا



تسلق قمم الجبال



الامم دورات وجولات



ومن يهبط اليوم



عليه غدا مصارعة الانواء



مصرنا جاية بعد انقشاع الغمام



واللى مش مصدق



خليه واقف ويفوته القطار



قطرنا اتحرك من زمان



احكى واحكى وقول للانام



 

خواطر سوسنية(مصر 96)----مصر يأحبتى تحتاج معجزة(بتاريخ 6 ابريل 2014)

مصر يا أحبتى تحتاج معجزة



تخرجها من الجب وتجعلها طافية



مصر فى مأزق رهيب



تحاول العيش الكريم 



ولكن الاعداء ينهشونها



من الصغير للكبير



ولكن الاعداء يتربصون بها



من اول العهد القديم



وكتاب التاريخ يحكى لنا



ان امم علت وامم زالت



ومصر ما زالت هنا



تطل على نهر النيل



وأهلها مازالوا صابرين 



على طمع الطامعين



وأهلها مازالوا صامدين



كما تعودوا على مر السنين



احنا يا احبابنا زى النيل



ماشيين ماشيين فى طريقنا ماشيين



صافيين غامقين ما تعرفش ابدا



لونا ايه



وحانفضل كده



لابد الابدين

خواطر سوسنية (مصر 95)-----------الموت بينقى(31 مارس 2014)

الموت بيطوف فى بلدنا



وينقى الاطهار الصالحين 



وبيقطف كل شوية



وردة من البساتين 



شباب كان ممكن بكره



يتغير على ايديه



شباب كان عاوز يطلع



سلالم المجد برجليه



موهوب ومخلوق علشان ينحت



فى الصخر بايديه



حانقول ايه يا ربى 



حكمتك تختار



من بينا الزين

خواطر سوسنية (مصر 94)------------لما شهيد فى الوطن بيموت

لما شهيد فى الوطن بيموت



 حتة من القلب بتموت

 

ولما يكون ده الشهيد 



 من
جيشنا العظيم 



 الجرح بيكون عميق 

 

والالم مالوش مثيل



 علشان جندى الحق ده



 كان لازم يموت على الحدود



 مش جوه بلده بايد مجرمين 

 

 خونة ملاعين



ازاى
قدرت تشوف بدلته يا عميل



 وجالك قلب تسدد اليه سلاح الخيانة



 خسة وندالة 



 خلصوا الوطن من كل الاخوان المجرمين 

 

ما تخلوش منهم واحد 

 

يمشى على ارض
هذا الوطن الجريح



 كفاية دم طاهر كل يوم بيسيل



 وانتى يا ام الشهيد 



 مش
عارفه اقولك ايه 



 مفيش اى كلام حايواسى القلب الذبيح



 بكره فى جنة الخلد
حاتلاقيه 



 متنعم ومستنى احبابه ينضموا ليه





(بتاريخ 16 مارس 2014)

خواطر سوسنية (مصر 93)-------------مصر فيها مغناطيس

اصل مصر فيها مغناطيس 



يشدك ويجيبك فطيس



ماتعرفش منه
تفلفص



ولا تاخد ولاتجيب



تبقى حاتطق من جنبك 



ومش
طايق دبان وشك 



وساعة ما تسيب بلدك 



مسافة ساعة
بالاتوبيس



تقول الغربة خادتنى 



وعصرتنى وودتنى 



انا خلاص فهييص 



وعاوز ارجع بلدى 



ويكون
البعيد فى بورسعيد 



او فى جمصة او فى الصعيد



والقاهرة
خلاص وحشته 



وزحامها وخنقته



ويقول لك انا راجع
بكره 



مش قادر هنا اعيش 



ماانا قلت لك
ياصاحبى 



فيها مغناطيس