خواطر سوسنية (مصر 141----من النهارده حانقفلوا الصفحات)

من النهارده حانقفلوا الصفحات/ ومفيش عندنا سرادقات/ ولا حانلبس اسود / ولا نرفعوا الرايات / دموعنا خلاص فى عيوننا اتحجرت /وقلوبنا مشتعلة كما جمرة النار / لا حانقبلوا عزا ولا كلمات مواساة/ ولا اى ترضية ولا طبطبات/ التار عمال بيكبر/ والشهداء الابرياء / بيزيدوا ويكتروا/ العداد كام دلوقت يا بو محمد؟/ تقدروا تقولونا والا تحصروا؟/ اه يا قلوبنا كيف جادرة تستحملى ؟/ بقيتى فى صدرنا جمرة نار/ مشتعلة وموجوجة/ وامتى ميعاد التار؟ / اللى يشفى غليلنا؟ / ويخلى نارنا يا ناس تبردوا؟ ///

خواطر سوسنية ---مصر 140 ----------الوطن)

الوطن مش وجهة نظر ------الوطن جدر اتغلغل جوه النفر --------------وخير فى كل حتة حوالينا اتبدر -----------------الوطن يعنى ما تعرفش تتنفس ---------------الا الهوى اللى مر من هنا وعبر

خواطر سوسنية(مصر 139 ---الا لعنة الله على كل من خانك)

الا لعنة الله على كل من خانك ------على كل من باعك------------على كل من داس على ترابك ---------وشرب حفنة ميه من نيلك -----------وكل من خيرك واطيانك ------وباع كل ده واتدرب مع الشيطان ---------------وداس على الاوطان -------------وقبض بالدولار وباع ارضك ويا حيطانك

خواطر سوسنية( مصر 138 ---الى نقيب الصحفيين المقطقطين )

(الى نقيب الصحفيين المقطقطين )
مالهم الصعايدة يا بوى -------------مش احسن منك ومن اللى خلفوك ؟ --------------على الاقل اهلك ما عرفوش يربوك -----------ماقالكولكش ان الوطن ستر وغطا ------------وان الارض حمايتها فرض ---------وان الارض هى العرض -------------ما قالولكش ان النيل بيسرى فى دمنا وهو اللى جامع ما بينا كلنا -------------------ماربوش فيك الضمير -----------سابوك تمد الايد ------للحرام وتبيع وطنك بالرخيص -------سابوك تتلم عالخونة ---------من كل جنس ومن كل دين ---------سابوك تبيع بلدك ----------لكل من بالدولار يمد الايد ------------انت مالك ومال اهلك --------------بالسياسة يا خاين يا خسيس ----------هو انت مبعوث العناية الالهية --------لكل حقير وخاين وعميل --------------------نقابتك دى كلها ما تسواش بصلة ------ياللى عمرنا ما قرينا لك كلمة -------------انت تدور لهم على معاشات -------------وشوية فسح وشوية رحلات ------------تجيب لهم شوية امتيازات وتدور للعاطلين منهم على شغلانات ------دى مهام النقابة يا فصيح -------------مال اهلك ومال السياسة ؟ -----------مال اهلك ومال اى شيئ بيجرى فى بلدنا يا وضيع؟ --------المرة دى الوقعة سودة --------وحاتتهد فوق راسكم يا خفيف -------------انت بس مش وقعت مع الصعايدة ---------وده كفاية لو عرفت تتكلم معاهم كلمتين -------ده انت وقعت مع الشعب المصرى كله ----------اللى مستحلفكم بقاله سنين ------وزهق خلاص من الخونة ------------وماعدش طايق كلمة من اى عميل ------------جرانينكم دى حانحرقها ---------وحانعمل بالباقى منها قراطيس -------وبرامجكم دى اساسا مقاطعينها ----وابقوا شوفوا حاتكتبوا تخريف لمين ---------اما عن اهالينا الصعايدة -------------انا باسلمك ليهم تسليم.