خواطر سوسنية ---منوعا--الصداقة والمحبة)

الصداقة والمحبة شجرتان -------لازم يترووا على مر السنين -------------ما ينفعش تعطشهم شوية -----------------وعاوز ترجع تلاقيهم حلوين -------------لما بتدوس على الصداقة ------------وبتتجاهل الصديق ------------------اوعى تفتكر حايتمسك بيك ---------ويفضل فاكرك طول السنين -------------------زى ما تجاهلته حايتجاهلك -----------ويدوس اكتر من مرة على صداقتك الشين -------------ويقول يا خسارة ايام كتيرة ---------كنت فيها مخدوع وعبيط --------------------لكن عزائك انك ما خنتش ----------ولا دست على ناس تانيين///

(خواطر سوسنية---مصر 137--رسالة من سوسن لرئيسنا الزين)

بابعت سلامى لرئيسنا السيسى -----------وبعد التحية عاوزه اقولك كلمتين -----------خلصنا يا ريس من الخونة --------------اللى فى الاعلام قاعدين -----------------ورجع الصحف القومية خالية من دنس المجرمين ------------اللى كل يوم يبثوا سمومهم ---------خلاص بقى احنا مش قادرين ----------وكفاية علينا الفيسبوك ده راخر ----------------اللى ما تعرف ابدا بيقول الحق ---------والا الكذب هو اللى ماليه --------------ياريس الاعلام هام جدا --------عشان بيساهم فى وعى الجماهير ---------------الناس دلوقت بتتلخبط --------مش عارفين يصدقوا مين ويكذبوا مين -----------------------------امانة عليك يا ريس تشوف لنا كده واحد زين ----------------------يخش من باب ماسبيرو -----------ويجيب عاليه واطيه --------ويطربقها على دماغ الاخوان -------------اللى معششين جوه فيه ---------------وانت برضه كده معدى شوف لنا حكاية الازهر ايه ------------هو بيخرج لنا ناس المستقبل --------والا بيخرج لنا ارهابيين --------------وشوف الاساتذة اللى جواه -------مستواهم العلمى ايه -----------وليه مش عاوزين يجددوا ----------والا يا ترى مش قادرين -----------امانة عليك يا ريس المركب ------------امسك كويس الدفة بايديك ----------وماتسيبش شوية خونة -------------عمالين رايحين جايين -----------------وافتح لنا بقى القضية ------------250 و 173 -------------اصل انتظارنا طال قوى -------------والعدل المتأخر ظلم مرتين------وفى الختام بابعث سلامى ---------------لرئيسنا وحبيبنا الزين///

خواطر سوسنية(مصر 136-------------نفس الوشوش هيا هيا)

نفس الوشوش هيا هيا--------------نفس الخيانة والندالة وبيع الاوطان -----------------اللى خانك يا مصر مرة ---------------بيفضل يخونك على مر الزمان ------------واللى داق طعم الدولار --------------مستحيل ابدا ينساه -------------------كل ما اشوف دى الوشوش -------------باكرههم كمان وكمان -------------------دول دخلوا الكره جوه قلوبنا ------------بعد ماكانت قلوبنا واحة للحنان ------------------اه يا حثالة المصريين --------نفسى اشوفكم وراء القضبان ------------سجون ابدية لم منها تخرجوا --------تشفى غليلنا من اللى حصل منكم وكان ------------يارب صبرنا شوية -------------لغاية اليوم ده ما يجيى قوام///

خواطر سوسنية ( مصر 135----رسالى الى جنودنا المصريين فى سينا)

طهروها طهروها -----من اللى دنسوها ----------------حرروها من الارهاب ---------ومن التأمر الدولى عليها ---------ارض خطى عليها الانبياء -------دى بركة مصر والحزام اللى واقيها--------لما تخطى برجلك --------------والنبى سمى عليها -----------وقول بسم الله حانعدى--------بسم الله حانخطى -------بسم الله يا سينا ------انت الحب اللى مالينا-----انت الفخر اللى حوالينا -----انت الدم اللى سال -----من انجب ابنائنا فيكى ------كل رملة وكل صخرة --------بتنطق وتحكيلنا عن ماضيها -----حانغير الخريطة -------وبدل قناة السويس ما كانت حاجباك عنا ----------وفصلاك منا----------انفاقنا خلاص كلبشتك يا سينا-----ماعدتيش الجزء اللى هناك خارج بره منا --------بقيتى انت القلب واهم من ينبض فينا ----------------حانمهد الطريق ونرصفه بعينينا ---------وانتوا يا ولادنا واحفادنا الجايين لينا-----------------حانسلمكم الامانة ونؤدى اللى علينا -------------والخضرة والعمار سايبينه امانة بين ايدين أمينة.