خواطر سوسنية ( مصر 30)

من مصر الى محمد مرسى



أنا مش حااحبك



أنا حاكرهك



حبيت قبلك كتير


كانوا عملولى ايه




فطروا قلبى الصغير


ورمونى فى الطريق


من غير ميه وزاد


من غير ضلة تحمينى 


من شمس الزمهرير


أنا بنت الاصول


العريقة من زمان


بقيت فرجة رخيصة


للرايح واللى جاى


وكل اللى يسوى


واللى ما يسواش


بيدينى صدقة


ويقرضنى مال


أنا مش حااحبك

أنا حاكرهك

قدم فروض الولاء

والحب والاخلاص

قدم لى شئ ملموس

واقع مش أحلام

ساعتها يمكن أقدر

أحبك..من غير كلام

خواطر سوسنية( أهلا بالرومانسية 7)

لا ترسم لى صورة

ليست موجودة 

ولا فى الخيال

أنا لست أميرة

تفتح لها الاستار

اعرف انى جئت الدنيا

ولا أعرف لماذا جئت

ولا لماذا خلقت 

كما خلقت

أنا أحس..أنا أشعر

أنا أخاف..أنا أحذر

أنا أحب أن أعيش

قصة جميلة فى خيالى

لان الواقع دوما

لا يرتقى أبدا

لمستوى الجمال

أنا أحبس نفسى

فى عالم من صنع أوهامى

حتى لا أرى

القبح فى الجوار

أنا لا أريد أرى الشر

ولا الدموع ولا الاحزان

أنا أصم أذنى

عن أى شئ

يؤذى أسماعى

اركب سيارة

مغلقة النوافذ والابواب

ارى كل شئ خلال النوافذ

لكنى

لا اريد أن أصدقه

لا أريد أن أحياه

أنا أعزل نفسى

عن الشرور والاثام

وأريد أن أمضى من الدنيا

كصفحة بيضاء

خواطر سوسنية( مصر 29)

تسليم مفتاح يا بيه



دواير دايرة بينا

تجيبنا وتودينا

ولا عارفين راسنا

خلاص من رجلينا

متاهات ..متاهات

الجماعة بتلعب بينا كورة

وتشوطنا بين رجليها

والناس بره مصر

عاوزة تنتقم منا

انتخبوا مرسى

علشان يغيظونا

مش هاممهم حاجة

فى اى نكبة تجينا

هما خلاص سابونا

ورمونا من زمان

وعاوزينها عركة

وحروب وبوظان

مرسيهم ده لو جه

يبقى ناقص ايه

تبقى مصر اتسلمت

تسليم مفتاح يا بيه

واتباعت للى بكره

يبيعوها فى سوق الاتنين 

خواطر سوسنية( أهلا بالرومانسية 6)

اختيارك للكلمات

 
اختيارك للكلمات

يصرعنى

يربكنى

يدخلنى فى حالة

من عدم التوازن

والتيه

اختيارك للكلمات

أعلى من مستوى احساسى

استيعابى

فهمى للاشياء

أنظر للكلمات

وكأنى لا أرى شيئا

أحتاج عمرا

للفهم والادراك

أحتاج ارتفاعا

الى مستوى الحرف

والايحاء

اختيارك للكلمات

ينقلنى على أجنحة

احتواء

خواطر سوسنية( مصر 28)

طاقية وجلابية..حجاب والا نقاب

طاقية وجلابية

حجاب والا نقاب

مش هى دى القضية

عاوزين ناكل يا ناس

***

البنت نجوزها تسعة

والا اتناشر تمام

والختان واجب وسنة

والا هو اختيار

جيش وشرطة بدقونهم

والا ده اخلال

طب ليه التجنيد اجبارى

ما نخليه زى زمان

والمحكمة الدستورية

ايه لزمتها كمان

دى مصاريف عالفاضى

يلا نلغيها قوام

يلا نرفع الادان

هى الجلسات يعنى تمنع

شرع الله فى الاوان

***

طاقية وجلابية

حجاب والا نقاب

مش هى دى القضية

عاوزين ناكل يا ناس

***

الدستور خليه شوية

لما نخلص انتخاب

ونشوف مين حايجى

حد منا والا فاتنا

أهم كرسى فى البلاد

وتصريحات يا ما رهيبة

بعدين نقول ده الاعلام

وكل شوية نقف نزعق

ونقول حكومة اى كلام

ولما الموازنة تيجى

نقول ارقام مش تمام

ولما يقدمولنا خطة

للسنين الجاية كمان

نقولهم وانتم مالكم

تلاتين ستة جاى قوام

امشوا بقى وسيبولنا

البلد بين ايدينا

حاتشوفوا حاجات حلوة

والخير ازاى ماليها

***

اعملوا معروف فينا

ما تدخلوناش متاهات

ده احنا شفنا سنين طويلة

ذل وقهر واهانات

عاوزين مستقبل يجيى

مليان بسمات

مليان علم وعمل

مش خرافات وصراعات

***

طاقية وجلابية

حجاب والا نقاب

مش هى دى القضية

عاوزين ناكل يا ناس

عاوزين تسكنونا

مساكن ادمية

وولادنا دول يروحوا

مدارس الزامية

يتعلموا فيها

مناهج حقيقية

عاوزين مشروعات

وحاجات استثمارية

علشان نلاقى شغلة

لكل العواطلية

عاوزين ميه نضيفة

حلوة زى زمان

عاوزين الشمس تطلع

تنور عالغيطان

وسنابل قمح ياما

فاضت..صدرناها كمان

عاوزين خيرنا اللى

اتحرمنا منه زمان

***

طاقية وجلابية

حجاب والا نقاب

مش هى دى القضية

عاوزين ناكل يا ناس

***************************

خواطر سوسنية( مصر 27)

انا بابكى عليك ومنك

مش قادرة احوش دموعى

بابكى عليك ومنك

انت البطل اللى كان

كان من زمان

انت اللى وريت الصهاينة

اسود ايام حياتهم

وحصونهم المنيعة

دكيتها قدامهم

انت خليت فجرنا

يفكر تانى يجيلنا

والليل الطويل 

زهق وساب ديارنا

والنيشان اللى خدته

كان على صدرنا

رفع رؤوسنا للسما

كل دى حقايق

ده مجدك ومجدنا

ليه بس كده

ما كملتش الطريق

ليه شبابنا دول

مالقوش فيك الصديق

والاب والرفيق

ليه جبت كل الحرامية حواليك

وناس عايشة فى مارينا

وناس مش لاقية صفيح

ليه يا مبارك

ما فكرتش فينا كلنا

ليه مش كنت بتحبنا

واحنا اللى وثقنا فيك

قولنا ابونا وضهرنا

قولنا اللى شاف سينا

ورفع عليها علمنا وحبنا

لازم حايصونا

ويبنى مجدنا

لكن سنين وسنين

ناسك بتدهس قلبنا

علينا الصوت نسمع

قلبك قبل ودانك

ليه ما سمعتش الندا

قلنا لك يا ريس

بص..شوف همنا

تعليم مفيش 

شغل مفيش

حتى الاكل سموه لنا

والشباب الحلو يطلع

عالقهاوى يستوى

واحد ياخد بانجو

والتانى فى النيل يترمى

وكام مركب ما وصلت

وكام شاب فيها اتقتل

والفساد اللى ساد

كل حتة فى البلاد

والرشاوى عينى عينك

والبلاوى والزحام

دى حتى الزبالة

خنقتنا كلنا

نقولك سحابة سودة

تقول قدر من ربنا

نقولك قمح مسرطن

تقول ده كذب وافترا

نقولك عيشة مرة

تقول مفيش احسن من كده

دى كل حاجة تمام

واحنا نقوم ونصحى

وجوه وسط الزحام

غايبين  عن الوجود


اجساد بلا ارواح


ونسأل نفسنا


هوه ليه بكره


مش عاوز يجيى لنا


نفسى اسألك سؤال


ازاى كنت تنام


وانت عارف متأكد


ان شعبك كله


بيبات جعان


 

خواطر سوسنية( مصر 26)

دى مش عزبة

دى مش عزبة 

دى مش غنيمة

دى مصر

اللى طول عمرها عظيمة

قبل الزمان ما يتولد

كانت هنا فى الاصل

وقبل ما يكتبوا التاريخ

اسمها اتكتب بالعرض

مصر هنا قاعدة

لا تروح شرق ولا تروح غرب

مزروعة فى طين الارض

وفى النيل اللى رايح وجاى

وفى بير دايما سرها معاه

ما تقولوش لحد

الطفل فيها يتولد كبير

وقبل ما يخطى على الارض

يكون شرب من خلودها

وحكتله عن مجدها وخيرها

يكبر تلاقى جدع

اسمر كحيل العين

ملء السمع والبصر

وكتافه واصلة لفين

يبنى..يشيل..يطلع

فوق السما السابعة

علشان يجيب المجد

وفى يوم ان قرب حد

والا جه ناحيتها

تشوف شخص تانى

مرعب كما الاعصار

وفى عينه نار وشرار

ما يبات ولا يهدى

الا ان اخد بالتار

دى مصر اللى 

عاوزينها نار ودمار

وليها رب حاميها

من المبتدى

من الاشرار 

خواطر سوسنية( مصر 25)

انا عاوزمرفأ

مصر بتتخطف مننا

مين يرجعها

احنا خايفين عليها

خوف..حزن..لوعة

عاوزين يدمروها

ويخلوها دايما حايرة

بين ولادها الثائرين حقيقى

والمأجورين المدفوعين دفعا

شباب ثائر وغيره ضايع

ما بينتميش لاى حد

تقوله ارض يقولك

يعنى ايه ارض

تقوله مصر يقولك

يعنى ايه مصر

رافع راية العصيان

اصله هو حيران

قام وثار وغير التاريخ

ولقى نفسه فى مهب الريح

خطفوا منه ثورته

وسابوه بره بعيد

وبعد ما كان بيحلم ببكره

رجعوه قرون وسنين

وناس تقوله شريعة 

وناس تقوله دين

وهو ييبص شمال مرة

ويبص مرة يمين

ويقول شريعة ايه

هو مش احنا مسلمين

والشريعة بتاعتنا

طول عمرنا بيها عايشين

انا عاوز اسكن 

واشتغل وانتج

انا عاوز بكره يجيى

انا عاوز مركب

توصلنى بقى لحلمى

انا عاوز مرفأ

خواطر سوسنية( مصر 24)

الجيش جيش الشعب 


 الجيش جيش الشعب

يعنى احنا كلنا

الجيش بيقدم حياته

اول ما يقول الندا

والبيادة دى صانت

شرفنا وعرضنا

والكاب فوق رؤوسهم

عزة وكرامة مجدنا

و لولاهم كنا ضعنا

لولا رحمة ربنا 

خواطر سوسنية( مصر 23)

حيرتم الشعب


حيرتم الشعب معاكم

وطحنتوه فى المشكلات

عاوزين تضربوا فى الحكومة

ما تدخلوناش متاهات

انتم تقولوا هما

وهما يقولوا انتم

والشعب حاير وداير 

طوابير عالبنزينات