خواطر سوسنية 129 بتاريخ:26 سبتمبر 2015-----------فى كل عام)

فى كل عام
 
فى كل عام نملآ البيت بالازهار/ ونعلق الصور على الجدار/ وننظف كل شيئ / ليبدو البيت براقا بسخاء/ ونلبس احلى ملابسنا/ فى انتظار الزوار / ولكن يمر العيد / ولا يأتينا احباب ولا أصحاب/ يمر العيد ولا يخبط على بابنا انسان/ ونتذكر لطالما خبطنا على ابواب الاحباب/ وذهبنا لزيارتهم بكل ترحاب/ ورسمنا البهجة على الوشوش / حتى لو كان فى القلب أوجاع/ ماذا حدث لنفوس الناس/ وكيف تخلوا عن الصداقة والاصدقاء/ وماذا بقى من مشاعر ليتبادلها الاحباب؟///

خواطر سوسنية (مصر 128- بتاريخ 26 سبتمبر ---يا عبد الفتاح)

يا عبد الفتاح/ الهى يفتحها فى وشك / من غير مفتاح/ وتلاقى كل الابواب/ مفتوحالك بالترحاب/ وكل حاجة تطلبها / تجيلك على الطبطاب/ يا عبد الفتاح / وشك فيه القبول / والبشر والافراح/ وقدمك قدم الخير/ حتى الارض بتطلع خيرها/ وتبشرنا بالكنوزات/ الهى ترجع بالسلامة/ مجبور الخاطر/ احنا فى انتظارك / ما تطولش علينا الانتظار/كل شوية تسافر بره/ ونقعد احنا على نار/ خايفين عليك من العدا/ والحسد والاشرار/ لكن ربنا حارسك / وترجع لنا بانتصار///

خواطر سوسنية ( مصر 127 بتاريخ: ردا على البرادعى اللى كتب انه حزين على بلده )

قاعد على تويتر وبيقبض من الصهيونيين/ كل شوية يكتب تويتة / جنان وتخريف/ ده راجل خاين خسيس/ باع بلده بالرخيص/ ضيع العراق / وشارك الاعداء / ومد لهم الايد/ افتكروا زمان زمان/ امريكا رفضت ترشيحنا/ ورشحت عميلهم الزين/ ما اهى امريكا ما تسبش حاجة / للصدفة --كله بترتيب/ رفضت محمد شاكر رئيس للمنظمة/ وجابت البرادعى علشان يبقى امعة/ تقولوا شمال شمال / ويمين يبقى يمين/ وفاكر نفسه قوم ثورة/ وايقونة/ وشوية كلام فارغين / وهو متأمر ضد بلده / وضد العرب أجمعين / وشايف نفسه احسن منا/ واحنا هنا اللى فى بلدنا قاعدين/ ما سبنهاش فى يوم ابدا/ وللغلب مستحملين / ومنا اللى يقدم حياته / علشان الناس التانيين / وهو قاعد على تويتر / زى التعبان اللى له فحيح/ وكل شوة يبخ سماية/ وفاكر حايكون لها تأثير/ احنا كبرنا قوى / وبقينا على الفرز قادرين/ روح روح ياعمى/ واندفن على ضفاف السين///

خواطر سوسنية( مصر 126- بتاريخ:7 سبتمبر 2015: يا كبيرنا)

يا كبيرنا ---------يا رئيسنا -------يا حبيبنا/ حبيناك واخترناك وثبت حسن اختيارنا/ من الفجرية كل صباح / تصحى وعينك على بلدنا/ كل دقيقة من عمرك / علشانا واهبها/ الله يسدد خطاك / وفى ركابك تقضى حاجتنا/ ومادامت نيتك خالصة لله/ على اعتابك الخير سابقنا/ انت قدوة ياكبيرنا/ ولما اليأس يجيى ناحيتنا/ بنفتكر اصرارك وعزيمتك وصلابتك/ وبنستجدع ونتحمل شدتنا/ ونفتكر قد ايه شجاعتك / كنت شايف بلدك قدامك/ بتضيع وشوية رعاع بيحكموها/ والشعب ثار واستنجد بيكم / ما انتم طول عمركم حامينها/ والعدو وقف وشهر سلاحه / وقال مين باسم شعب مصر حايتكلم / وتقدمت الصف زى الشعلة / وشمرت اكمامك ولبست لهم لبس الميدان/ فارس ربنا يحميك / انت وكل الفرسان / مولود علشان مصر حاتحتاجلك / تطلع قدامنا وتمشى بينا لقدام/ احنا بنبص على كل حاجة بتعملها/ ونفسنا نشارك فى معارك بلادنا/ ضد الفقر والمرض وتعليمنا اللى بقى فى خبر كان/ ربنا يحميك يا سيسى / لما مصر علمها يرتفع فى كل مكان ومجال///

خواطر سوسنية ( مصر 125- بتاريخ: 1 سبتمبر 2015- رينا يجيبك بالسلامة يا ولدى)

ربنا يجيبك بالسلامة يا ولدى / يا ابن مصر كلها/ واذا كانت والدتك اتوفت/ امهات مصر كلها داعيالك / تيجى سالم غانم /مرفوعة راياتك مقضية حاجاتك/ 90 مليون ليل ونهار بيدعولك / نسمة مباركة جاتنا مع انفاسك / والخير اللى بدا يتدفق/ جالنا على وشك وجالنا على اقدامك/ لما النية بتكون خالصة يا ولدى/ ربك بيرزق وتتفجر الارض / احلى واجمل من كل احلامك/ يارب يحميك يا سيسى / وتعيش لنا وتعيش لاولادك///

خواطر سوسنية ( مصر 124 بتاريخ 25 اغسطس 2015----الى السيسى مع حبى وتقديرى)

يا مشرفنا ورافع راسنا فى كل مكان/ مش بتضيع دقيقة واحدة من غير عمل فعال/ بتجرى وتجرى وتسابق زمنك علشان مصر تعلى وتعلى / وتتغير فى الزمان والمكان/ ترجع تانى تنور وتلالى / منارة عالية زى ماكانت / امبارح واول وعلى طول الزمان/ ربنا وياك ويسدد خطاك / ويجيب الخير على ايدك  وايد رجالنا الابطال/ اللى عارفين قيمة بلدنا / وعارفين يعنى ايه الناس اللى هنا عايشين/ يادوب نشيل من عليهم التراب / يلمعوا ويبقوا هايلين / ما هى دى حقيقة الجواهر تفضل جواهر على مر السنين / ومهما حاولوا يطمسوا جمالها / او يخبوا قيمة بهائها / ما قدروش ابدا على ناس هنا عايشين / مصر بتتغسل من كل ما اعتراها/ من خيبة وفساد وتجارة بالدين/ مصر بتتغسل وحاتطلع تلعلط/ وتدوس  كل الفشلة والخاينين/ شوية شوية العدوى حاتنتشر / عدوى الهمة والرجولية / عدوى العمل بمسئولية / عدوى الضمير اللى صاحى دوما/ ومش شايف غير بلد عاوزه توصل للنجومية / مش شايف غير بلد قدرها تحارب الامبريالية / مش شايف غير بلد اتكسرت على بيبانها كل الحركات الطغيانية///

خواطر سوسنية( مصر 123--بتاريخ 21 يوليو 2015)

يا رب تتمم  لنا على خير ونشوف قنالنا مفتوحة من الناحيتين ---------والخير والبشرى تملى قلوب الملايين -----ونشوف صبرنا وجهادنا وتحملنا شهداء ودماء ولادنا ------------دى رمز لصمود الشعب المصرى -------وتصميمه على عبور المستحيل -------------مفيش قوة حاتقف قصاد شعب مصر -----------اصل كله حاطط الايد فوق الايدين.

خواطر سوسنية( مصر 122--بتاريخ 17 يوليو 2015--تهنئة السيسى بعيد الفطر)

يارب نيجى كل عام -----------نعيد عليكم والسعد والهنا مالى المكان--------يارب يا سيسى يخليك لينا ------------وتفرحنا كمان وكمان ----------------فاضل 20 يوم عدينهم ----------------وحانفتح القنال --------------------------

والامل فى بكره يملى قلوبنا -----------زغاريد افراح زينة والوان -------يارب اسبغ سترك علينا -----------------واملى مصر بالامان.

خواطر سوسنية( مصر 121---بتاريخ 13 يوليو 2015)

شريك فى قناة السويس/ شريك فى هذا الوطن/ دمى فداء للارض / دمى فداء للعلم/ الارض دى ارضى/ طينها ده دمى/ نيلها شريان حياتى/ وسينا دى املى/ أرضها بخطاوى الانبياء / تتباهى وتزدان / وخيرها لسه فيها / متشال ومتصان / سينا دى الكنز /اللى باعته ربنا/ لينا وللاجيال / اللى جايه بعدنا / ان شاء الله نخضرها/ والكنوز كلها حانطلعها / دى جبالها جبال الخير/ وهالة التقديس تلفلفها/ لما نمشى فى أرض سينا/ جلال ورهبة فى قلوبنا/ ونشعر بنبض كل مصرى/ فداها يوم بدمه / وقدم حياته هدية / وهو بيحمى رملة من بلده///

خواطر سوسنية( مصر 120)------26 يوم فاضلين على افتتاح قناة السويس(تاريخ 11 يوليو)

26 يوم فاضلين يا حالو / والفرحة الكبرى حاتقول اتهنوا/ امتى الايام تمر يا
حالو/ مش قادرين خلاص نستنوا/ يا مصر قومى وشد الحيل / كل اللى تتمنيه
جايله / نفتح قناتنا نمد الايد/ للعالم وكل سفاينه/ تعبنا كتير وصبرنا
كتير/ ان الاوان بقى نفرحوا ونغنوا/ نادرين عليا فى هذا اليوم / اتحزم
وارقص يا حلو / واذا قالوا دى اتجنت والا ايه / حاقول زى بعضه ياحالو /
جنان جنان بس نعيش / ونشوف ده اليوم يا حلو / والعالم جاى يهنينا/ ونرفع
اعلامنا بالفرحة الللى / هو احنا فى ديك اليوم/ لما نشوف احلامنا بتمشى
قدامنا/ونعلن فى العام القادم / حانحقق ايه يا حلو / وكل سنة يزداد الخير/
ويعم على اهالينا واحبابنا/ يارب يا مصر تطلعى فى العالى / ونشوفك بتلمعى
وتضوى/ ونطوى صفحات الماضى / وكأنه ماكان يا حلو / خلينا فى المستقبل/ طالل
اهو يا حلو/ مصر الحلوة اتغسلت / وخرجت اجمل من الاول///