قالوا حوار ---قالوا حوار
قالوا حوار----قالوا حوار
وكأن الحوار حايصلح الدنيا
لو كان الحوار بديل الافعال
كنا اتحاورنا لغاية الاخرة
شيلوا الكلمة دى من القاموس
كلمة بدون أى معنى
لما الاخوان يقولولك حوار
يبقوا عاوزين يتوهوك
يدخلوك متاهات----ويثبتوك
وتخش معاهم فى حارة سد
ويمكن تطلع من غير هدوم
وحتى ان وصلت معاهم لحاجة
عاملين حسابهم على جولة تانية
لما الحاجة تروح الشورى
تترفض فى نفس الثانية
وتفضل كده فى دايرة داير
يمشوا معاك بعدين
يرجعوك ألف خطوة
الله يرضى عليكم يا عالم
شوفولنا والنبى كلمة تانية
ليست هناك تعليقات:
إرسال تعليق