اه يا جبان
أه يا جبان
خلف البنادق مستخبى
وبتحتمى بالجدران
فى الصبح تصلى الفجر حاضر
وبعد العصر تغسل ايديك
من دم الصبيان
اه يا جبان
فى القصر قاعد هناك
بترتعش ما انت جبان
ما بتقومش من عالكرسى
خايف ان قمت
ما تلحقش ترجع
او يخطفوه الجدعان
وناس قاعدة فى الضل هناك
تخطط وتدير وتشاور بالعصيان
احرقوا دلوقت وارموا النيران
ولعوها كمان وكمان
وبعد كده اهجموا على خيامهم
هاتوها الارض فرصة فى الزحام
واسحلوا الرجالة فى الشوارع
وسففوهم التراب
وان قدرتوا
قلعوهم واسحقوهم
زى ما بنسحق الجرذان
وبعدين كل نطع علينا يطلع
ماهو ده زمن الانطاع
يزعق وينعق ويقول
لازم الكل يدين اللى كان
السبب هما المعارضة
كله من جبهة الانقاذ
هما اللى ولعوها واحنا
قدامكم بننفى ليل ونهار
ومفيش واحد مننا
كان هناك عند الاسوار
اه يا جبان
وراه شلة اجبان
تقتلوا القتيل وتمشوا
فى جنازته أميال
انا شايفة الدم فى ايديكم
وبينكم وبين الشعب تار
والرجولة دى اللى انسحقت
عالاسفلت فى دى النهار
حاتزلزلكم وحاتخلعكم
كما نخلع شجرة فاسدة
قبل ما تنهار
والعالم لو سكت عليكم
ما فى مصرى حايقدر ينام
مش حاتناموا ولا تتهنوا
لحظة واحدة بعد الان
وان كان فيه حد زمان
خدعتوه وضللوته
واداكم صوته وهو فرحان
ربنا فوق الكل فضحكم
وعرف الكل حقيقة اهدافكم
والدموية والانتقامية
من قلب الشعب الغلبان
ومهما الكذب كان عنوانكم
ما حاتقدروا تخفوا سفالتكم
جوابكم بان من قبل العنوان
وباحذركم خلم بالكم
شعب مصر ده جبار
لا قدر عليه يوم بربر
ولاقدر عليه يوم تتار
ليست هناك تعليقات:
إرسال تعليق