ليه ايديكم دايما خايفة
ليه مش بتبقى عاوزه
تقول الحق وتشاور عليه
ليه الطريق المختصر
مش عاجب حد ليه
وليه اللف والدوران
والكذب والخداع
بقوا هما القاعدة
والسنة والقرأن
ليه كل واحد حوالينا
بقى بيكذب وعينه فى عينينا
والحق والمستحق
ضاعوا بايدينا
وايه دخلنا فى دى الديلمة
وحانخرج ازاى من الهيمنة
والسيطرة المحكمة
عصابة حطت فى برنا
واسترخصت دمنا
حالفة تقعد فوق قلبنا
بدل السنة ميت سنة
وليه كده يا ربنا
ده احنا لسه ما فوقناش
من حزن كاسر قلبنا
هو الربيع خلاص فارقنا
والحزن والهم
حايسكنوا ديارنا
ومفيش سد عالى تانى
راح نبنيه ويا بعضنا
والصحرا اللى حانخضرها
خلاص كت وهم وانتهى
وسينا اللى حانسكنها
سكنوها الاشباح قبلنا
وبدل سنابل القمح
حانمسك سلاح لبعضنا
والله يا ناس
ده ما يرضيش ربنا
ليست هناك تعليقات:
إرسال تعليق