حاياخدوا ايه معاهم
يسرقوا وينهبوا
ياخدوا اعضاء الغلابة
ويبعزقوا
يعملوا افراح بالملايين
يركبوا طيارات
رايحين فيها وجايين
مافكروش ليه فى يوم
حايروحوا فيه
ومش راجعين
ما فكروش ليه انهم
قدام الديان واقفين
وحايتحاسبوا بمثقال الذرة
مش بالكيلو ولا باتنين
ده الواحد بيخاف الهمسة
تخش جوفه لا تكون مشبوهة
والا فيها شئ حرام
واحنا مش عارفين
ده احنا بنبات والدمعة
على خدنا ومقهورين
ونقول يارب نبات مظلومين
ومانبات يوم ظالمين
يارب جازينا خير
على القلب اللى وهبته لينا
ومليته بالخير للناس
أجمعين