خواطر سوسنية ( منوعات)

(عروسة تغسل اقدام عريسها يوم الفرح فى الكوشة)


بقينا فى زمن المسخرة --------والجنان والمعيرة---------قال طشت قال وتغسل رجلين العريس --------ده بكره ياختى نقعد على الحيطة --------ونسمع الزيطة --------وخناقكم حايوصل من هنا للسويس ---------ده لما رضى بكده ما بيحترمكيش --------وعاوز يهزأك وسط اهلك واصحابك وكمان اهاليه --------------عرتينا وعريتى جنس الحريم كله --------يا متخلفة ياللى عقلك ده فطيس -------------يا خيبة بنات جنسك فيكى ---------قاعدين نحارب الذل بقالنا سنين --------واتعلمنا واشتغلنا وكل يوم نحصل على حق جديد --------وانتى فى لحظة مجنونة --------دستى على جهد وعرق ملايين ----------يا خيبتك وخيبة اللى ربتك --------على انك تتذلى قدام الاخرين -----------وتبتدى حياتك الجديدة -------وانتى منبطحة عند الرجلين