ما بقاش فيه يا مصر وقت للدموع
والدموع فى عيوننا خلاص اتحجرت
من النهارده مفيش رجوع
والشهيد ندفنه
وكل واحد يرجع مكانه ومطرحه
صدقتوا دلوقت ان احنا فى حرب؟
وان بلدنا كلها فى خطر؟
يا تقفوا وقفة رجال
زى مصر طول عمرها
لاما ما حدش يلوم الا نفسه
على تخاذلها وعلى جبنها
من النهارده مفيش كلام
عن بوتجاز ورغيف عيش
احنا بنواجه ناس يا ناس
عاوزه ما يكونش عندنا جيش
احنا بنواجه مخطط خطير
عاوز يقطع أرضنا
ويدى سينا لعدو حقير
وما نلاقيش حيطة صد تدافع عننا
شوفوا حصل ايه لكل البلاد
اللى جيوشها يا ناس اتكسرت
خافوا وجريوا وتركوا النساء
غنيمة وسبايا وبيوت ادمرت
عاوزين يبقى ده مصيرنا؟
يا ناس فوقوا وحطوا الايدين
فوق الايدين فى كل مكان
يا ناس لازم تعرفوا
حايسقط ياما شهداء فى الميدان
وكل نقطة حاتسيل من شهيد
حاتحمى حياتنا حاتحمى عرضنا
وكل شهيد بيدفع حياته
ثمنا لحياة واحد مننا
ليست هناك تعليقات:
إرسال تعليق