عمار يا مصر
عمار يا مصر ودايما كده منورة بناسك
عمار يا مصر وولادك كده رافعين راسك
عمار وفنادقك مليانة وفرحانة
والحناطير شايلة سياحك
بيتفسحوا فى شوارعك تحت سماكى
والحصنة بتتمخطر على جناحك
ياللى واخدانا كلنا فى حضنك
انت بلدنا مهما حصل لينا
والا حتى عانينا فى رحابك
اللقمة هنا تكفينا وزيادة
ما دامت كانت مغروسة فى أرضك
ومروية بمية نيلك وزرعها فلاحك
وشمسنا بكره نعبيها فى قزايز
ويتحايلوا علينا ينوبهم من حبها جانب
وتوشكى لسه حاتطرح خير علينا
وسينا تتبدر أفراح وجناين
كل اللى خربوه الابالسة
حانبنى بداله جنات وعماير
لما أبص فى وشوش اهل بلدى
احس بالالفة وانى بين اهلى
ملايين عايشين هنا
وكلنا------------كلنا واحد
ليست هناك تعليقات:
إرسال تعليق