سيدى المواطن---انت ولا حاجة
سيدى المواطن--انت ولا حاجة
ومش على اجندة اى حد
سايبينك تتكوى بالمشاكل
من غير ما يقدمولك اى حل
ايشى سولار وايشى بنزين
وصيف ساخن جايلك يجرى
وكهربا حايقطعوها عليك
وفى النار نقلى ونشوى
ده غير كل مرة نشترى سلعة
نلاقيها عمالة تغلى وتغلى
والجنيه كان بيشترى حاجة
والله ما بقاش يسوى
وكل يوم يخترعولنا حدوتة
نتلهى فيها ونسكت
مرة اعلان دستورى ومرة
ضبطية عشان
تبقى كملت
وتبقى مصر حرب شوارع
وما تعرف مين فيها بيقتل
كل ده عشان الوقت يعدى
يمر بينا واحنا فى توهة وتحدى
ونلاقى روحنا قدام الصندوق
وتبقى الخيبة قوية
ومصر ساعتها تموت
أو تروح فى غيبوبة ابدية
ليست هناك تعليقات:
إرسال تعليق