عاوزين يخرصونا
من جديد
عاوزين كل قلم حر
يرمى قلمه فى الحضيض
عاوزينى اشوف الاسود أبيض
والبس نضارة من حديد
تورينى الدنيا الوان زاهية
حتى لو كانت سوده
خالية من كل بهيج
نيل يترمى فيه قاذورات
مصانع ...بواخر..تلويث
حتى بنحمى فيه الحمير
ونرجع نقول ليه يا ترى
الناس فى مصر عيانة
وليه المرارة اتفقعت
وليه الكلى فشلانة
وليه سرطان بيسرى
جوه القلوب الشقيانة
بقعة سولار يا مولانا
حاطة رجل على رجل
وتطلع لنا لسانها
سارحة فى النيل
نشوانة
جايباها من اسوان للدلتا
فى تحدى سافر ويانا
بتقول لنا وتضحك
محدش قادر عليا
امشوا بعيد يا فشلة
مين يقدر يتحداها
والا سينا المسكينة
أشباح...ارهاب...اه يانا
عاوزه لها جدع اسمر
يظهر
يقف ...يزعق ويقول
بصوته يرعد ويجلجل
مفيش أنفاق ردمناها
سينا تتمشط يابا
شبر شبر جبناها
لا خلينا قطعة سلاح
والا ارهابى كلب
فى رباها
ورفح خلاص نقلناها
واى حاجة مع غزة
خلاص قفلناها
قالوا زمان ياصاحبى
سد الباب ضبة ومفتاح
يمكن ترتاح
وغزة ليها ربنا
يحطوا ايديهم فى ايدين بعضيهم
يتحدوا ويا نفسيهم
ويشوفوا مصلحتهم بعيد
عننا
كفانا كل اللى حصل
ودمانا اللى سالت
من اجلهم
عاوزين حسم ورجولة
مش ميوعة
صوت عالى فى الخلا
لا يجيب ولا
البلد عاوزه راجل
يعرف بجد ربنا
يعرف قيمة شعبنا
يحبنا
قارى تاريخنا ومجدنا
فينك أنا مستنياك
يبعتك ربنا
ليست هناك تعليقات:
إرسال تعليق