خلطبيسة مهلبية
تحرير -نصر-اتحادية
بعد شعب -مجلس وزرا-داخلية
مرورا بماسبيرو-والدفاع-والمنطقة الشمالية
فوضى-ثم فوضى جماعية
داخلين فى سنتين
دهولة كعبلية
طالعين فوق الاسوار
ننادى بمظالمنا
والصحفيين اللى هما اساس الحرية
واقفين يا ولداه
وقفات احتجاجية
لو حد فاهم حاجة
يشرح لنا شوية
ايه اللى بيحصل فى مصرنا العباسية
كل ما نمشى خطوة
بنرجع لورا شوية
ومتنساش الكارثة
بتاعة الامر بالمعروف
وقتل شباب الشرقية
وطالب الهندسة
شهيد الشهامة والرجولية
وزوجتك نفسى
بقيتى عبدة ليا
ما تفهمونا يا ناس
مين بيلعب مع مين
والفلوس جوه الوطن
بتدفع دلوقت منين
ويا ترى احنا كلنا
رايحين كده لفين
مش شايفة غير ضباب
ومطالب فئوية
وناس تانية عاوزه
استقلال وحرية
وناس تالتة عاوزه
تاكل حتى طعمية
بلدنا بقت فوضى
خلطبيسة مهلبية
ليست هناك تعليقات:
إرسال تعليق