من وحى المليونيات
يا مصر يا مركب
على فين واخدينك
وكل واحد حالف
ليغرقك بينا
ايه حصل يا ولاد
مش قلنا راح نوصل
وخلاص شفنا المينا
قدام عينينا
ليه دلوقت بقى
تاهت خطاوينا
بنلف فى دوامات
ترهات
دواير دايره بينا
مش راح نوصل بقى
المينا راحت فين؟
والا مكانش هناك اصلا مينا؟
ودى مجاديف الى شايفاها
والا معاول هدم
يا مصر يا عرضى
هى الرجالة فين؟
والمنطق والحصافة
خلاص هجروا أراضينا؟
ومين اللى هناك دول؟
صحيح دوله مصريين؟
مش معقول يا اخواتى
دول لازم متخفيين
اصلى أنا مش شايفة
قدامى مصريين
مش المصرى يا ناس
كان بيروى الارض
بدمه ويقول عرض
مش لما رفع العلم زمان
عبد العاطى على سينا
سجدنا لربنا
ودموعنا غرقت
نيلنا وصحارينا
ليه كل واحد شايفاه
بيغرق فى السفينة
مش احنا كلنا
حانغرق ويا بعضينا؟؟؟؟؟؟؟؟؟؟؟
ليست هناك تعليقات:
إرسال تعليق